ԱՄՆ փոխնախագահ Ջեյ Դի Վենսը պատասխանել է Ուկրաինայի նախագահ Վոլոդիմիր Զելենսկու քննադատությանը՝ նշելով, որ իր արտահայտությունները նպատակ ունեն հասկանալու հակամարտության կողմերի ռազմավարական դիրքորոշումները, ոչ թե արդարացնելու Ռուսաստանի գործողությունները։
Ինչպես հայտնում է «Արմենպրես»-ը՝ վկայակոչելով UnHerd պարբերականին տված Վենսի հարցազրույցը, վերջինս ընդգծել է, որ փորձում է վերլուծել կողմերի ռազմավարական նպատակները՝ լուծումներ գտնելու նպատակով։
Նախկինում CBS News-ին տված հարցազրույցում Զելենսկին նշել էր, թե Վենսը «փորձում է արդարացնել Պուտինի գործողությունները», հավելելով՝ «Կա ագրեսոր և կա զոհ»։
Ի պատասխան՝ Վենսն ընդգծել է, որ 2022 թվականից ի վեր բազմիցս քննադատել է Ռուսաստանին, սակայն շարունակել է նաև փորձել հասկանալ, թե հակամարտության կողմերն ինչ նպատակներ են հետապնդում։
«Դա չի նշանակում բարոյական աջակցություն ռուսական կողմին։ Պարզապես պետք է հասկանալ, թե որոնք են նրանց կարմիր գծերը, ինչպես և այն, ինչին ձգտում են ուկրաինացիները», – նշել է Վենսը՝ ըստ Reuters գործակալության։
Վերջում նա հավելել է. «Անհեթեթ է ԱՄՆ կառավարությանը՝ որը լիարժեք աջակցում է Ուկրաինայի կառավարությանը և ռազմական ջանքերին, մեղադրել ռուսական կողմին պաշտպանելու մեջ։ Նման հռետորաբանությունը միանշանակ արդյունավետ չէ»։